ఉత్తేజం : - కొప్పరపు తాయారు

సాహితీ కవి కళా పీఠం 

సాహితీ కెరటాలు 

================

కవితలో పొంగుతోంది ఆవేశం,

అంచులు దాటుతోంది వేగం!

ఆరంభం కాదిది,

అనుకోని అద్వితీయ పోరాటం!

అందుకుంది ఆశాజనిత కవనం,

క్షణక్షణాన ఉత్తుంగ తరంగాలలా!

ఉద్వేగాల మధ్య

ప్రపంచ దర్శనం...

నినాదం –

నిర్మిత అక్షర ఆయుధం!

గగనతలిని స్పృశించి,

భువనతలం దర్శించి,

నింపుకుంది –

ఉద్వేగ భరిత ఉత్తేజ కవనం!

మారే కాలం కాదు,

మాటల ఆయుధం!

ధీర, వీర

భాషణా సంస్కృతి సృజించు!

అందరి హృదయాలు

ఎగసి ఎగసి పడగా,

విప్లవ గానం

దిశాదిశల మారుమ్రోగంగా!

కవితావేశాన

ధరిత్రి గడ గడలాడగా,

వణికించగా ఫృధ్వినే –

జయించే ధీరగీతిక!