ఆత్మగౌరవం :- పార్లపల్లి నాగేశ్వరమ్మ -నెల్లూరు

సాహితీ కవి కళా పీఠం

సాహితీ కవి కెరటాలు 

==================

అన్యాయం , అణిచివేత ,

ఆత్మగౌరవానికి ఆటంకం,

 అసంతృప్తి గూడు కట్టిన ఆ క్షణo.... ,

నర నరాలలో ఉప్పొంగిన 

పౌరుషం ,సహనశీలి గుండెల్లో

 రగిలిననిప్పుకణం, అదే అదే కదా విప్లవం! 

బానిసత్వము పెత్తందారి పెత్తనాలు ,

సామాజిక అసమానతలు ,

భూస్వాముల అహంకారాలు ,

ఇదే కదా విప్లవానికి నాంది !

స్వేచ్ఛ స్వాతంత్రాల ఆకాంక్ష ,

నిస్సహాయతను పాతర వేయడం ,

బానిస సంకెళ్లను తెంచివేయడం ,

గౌరవాన్ని కాపాడుకోవడం ,

ఇదే ఇదే విప్లవ వీరుల అజెండా.

పెట్టుబడి లేని ఆయుధం ,

ఆయుధం లేని యుద్ధం ,

ఎలుగెత్తి చాటే స్వరం 

దిక్కులు పిక్కటిల్లె  నినాదాలు,

అణువణువునా నింపుకున్న త్యాగం ,

విప్లవానికి బలమైన సైన్యం.

బానిస బ్రతుకులు వద్దు వద్దు ...

ఆత్మగౌరవంతో బ్రతుకుట ముద్దు ...

విప్లవాలతో మన ఉనికి చాటుట కద్దు..,.,

రక్తపాతాలు వద్దు వద్దు వద్దు.