పేరు మార్పు:- - యామిజాల జగదీశ్

 ఒకసారి ఓ రిపోర్టర్ ప్రముఖ తమిళ కవి వాలిని ఇంటర్వ్యూ చేస్తున్నారు.
వారిద్దరు ఒకరికొకరు ఎదురెదురు కుర్చీలలో కూర్చున్నారు
ఇంటర్వ్యూ ముగిసే ముందర విలేకరి ఓ ప్రశ్న వేశారు.
"సార్... రంగరాజన్ (వాలి అసలు పేరు) పేరు చాలా బాగుంది కదండీ... కానీ వాలి అని మీరు పేరెందుకు పెట్టుకున్నారు?" అని విలేకరి అడిగారు.
దానికి వాలి జవాబిస్తూ " నా ముందు ఉన్నవారి జ్ఞానంలో సగం నాకు వస్తుందని నేను అనుకుంటున్నాను" అని చెప్పారు.
రామాయణంలో, వాలితో పోరాడే వారి బలంలో సగం వాలికి వస్తుందదని ఓ కథనం. అందుకే రాముడు చెట్టు చాటు నుంచి వాలిపైకి  బాణాన్ని సంధించాడు అని రచయిత వాలి రామాయణ ఘట్టాన్ని ప్రస్తావిస్తూ చిన్న నవ్వు నవ్వారు.
అప్పుడు విలేకరి "అలాగా, అయితే మీ జ్ఞానం ఇప్పటికే చాలా చాలా పెరిగుండొచ్చు కదండీ..." అన్నారు.