అభిరుచికి వయస్సు అడ్డంకి కాదు:- - యామిజాల జగదీశ్

 జీవితంలోని గొప్ప కళాఖండాలు మీరు ఊహించని సమయంలో వస్తాయని ఆమె గురించి తెలిసిన వారు అంటుంటారు.
76 సంవత్సరాల వయసులో, "గ్రాండ్‌ మా మోసెస్‌" గా ప్రసిద్ధి చెందిన అన్నా మేరీ రాబర్ట్‌సన్ మోసెస్ మొదటిసారిగా "పెయింటింగ్ బ్రష్‌" ను పట్టారు. 
1860లో న్యూయార్క్‌లో జన్మించిన ఆమె దశాబ్దాలుగా పొలం పనులు చూసుకుంటూ పిల్లలను పెంచుతూ ( 10 మందిలో ప్రస్తుతం ఐదుగురు మాత్రమే బతికి ఉన్నారు) ఆమె చేతుల్లో ఆర్థరైటిస్‌తో పోరాడారు. అయినప్పటికీ ఆమె స్ఫూర్తి ఎప్పుడూ చెదరిపోలేదు.
పదిలంగా దాచుకున్న కొంత డబ్బుతో  ఆమె కుంచెలు కొని తనకు పరిచయమున్న గ్రామీణ దృశ్యాలను చిత్రీకరించడం ప్రారంభించారు. మంచుతో కప్పబడిన ఇళ్ళు, గుర్రాలు, సూర్యకాంతితో వెలిగే మార్గాలు వంటి దృశ్యాలను చిత్రించారు. వీటిని కీర్తిప్రఖ్యాతుల కోసం కాదు, గడిచిన రోజుల సున్నితమైన క్షణాలను స్మరించుకోవడానికి చిత్రించారు. 
ఒక కలెక్టర్ ఆమె చిత్రకళను చూసి వీరాభిమానిగా మారారు. ఇంకేముంది, ఆమె పెయింటింగ్స్  న్యూయార్కులోని గోడలను అలంకరించాయి. 80 సంవత్సరాల నాటికి, ఆమె ఫోటోని లైఫ్ మ్యాగజైన్ ముఖచిత్రంగా ప్రచురించింది. ఆమె పెయింటింగ్స్ పై ఓ మంచి వ్యాసాన్ని సమర్పించింది. 
తరువాతి 25 సంవత్సరాలలో, "గ్రాండ్‌ మా" మోసెస్ రెండు వేలకు పైబడి పెయింటింగ్స్ వేసి చిత్రకళా రంగంలో తనకంటూ ఓ ప్రత్యేకతను సంతరించుకున్నారు. 
 
మీ నిజమైన కాలంలో ప్రపంచం వికసించడానికి ఆమె ఉదంతం ఎప్పుడూ ఆలస్యం కాదని రుజువు చేస్తుంది.
“వయస్సు కేవలం ఒక సంఖ్య తప్ప అభిరుచి కలకాలం ఉంటుంది.”