*మనబడి జ్ఞాపకాల- అమ్మ వొడి**:- వసుంధర - వెంకట్ నల్ల

ఈ బడిలో బుడిబుడి

 నడతల చదువుల

 నడవడి పడి పడి

 లేచియు పరుగిడి

నుడి కారము దిద్దిన

మనబడి ఈబడి  !

చదువుల తల్లి ఒడిలో

మనము గడబిడకలబడి

తడబడి నిలబడి అడుగిడి

నడయాడి నడిచిన

ఈ బడి మనబడి !

 అక్షరాలనే బీజములను

 తనకడుపున మోసి

 వాటినే మొక్కలను చేసి

 ఆ మొక్కలని  వృక్షాలను

 చేసి

 ఆ వృక్షాలను ఈ విశ్వానికి

 నీడనిచ్చే మహావృక్షాలను

 చేసి

 తన రూపు మాపు ఈ

 మోపున కూడా లేకుండా

 కనుమరుగైనది నాబడి

 ఈ బడి !

 అయినను

 మనమున్నాముగా నా

 బడి రూపు రేఖలను

 మరిచిపోకుండా మరపు

 రాకుండా

మరణ మొచ్చువరకు

మరువలేము మిత్రమా!

మనబడి ఈ బడిని!

 ఈనాడు ఈ బడి

 మరుభూమి అయినది నా బడి

 మరణించాక వచ్చి

 నా ఒడిలో శాశ్వత నిద్ర పొమ్మంటుంది

 నా బడి ఈ బడి మనబడి!

ఎంత వైచిత్రియో కదా ఇదీ 

నాడు చదువుల తల్లి సరస్వతీ 

అమ్మ ఒడి నా బడి ఈ బడి మనబడి!

నేడు వైకుంఠధామమై

నా వద్ద శాశ్వత

నిద్ర పొమ్మంటుంది 

నా బడి ఈ బడి మనబడి!

           

      🙏🙏🙏🙏🙏

🌹🌻🌷🥀💐