సుప్రభాత కవిత : - బృంద

కలవరం నిండిన గుండెలో

పండు వెన్నెల్లు కురవ

చిన్నబోయిన మదిని

చిరునవ్వులు చిందింపగా...

కదిలిరా కాలమా

కనికరము చూపి

తరలి రావమ్మ నీవు

వరమిచ్చి బ్రోవగా.....

అనునయించక నన్ను

వదిలిపోకు నేస్తమా

మరచిపోయిన నవ్వుల

మరల పూయించగా

ఎదురు చూచిన క్షణము

ఎడదను పొంగించ

ఏకధాటిగ సంతసము

ఏరువాకగ  రాగా.

గడిచేటి నిమిషాలు

ఒడిసిపట్టగ నేను

నిలిచి ఉన్నాను కదలక

తెరిచిన తలుపుల దాపున

పరచిన చూపుల దారి కాచి

విరిసిన పువ్వులు విరివిగ పరచి 

తడిసిన రెప్పల తలుపులు తెరచి 

కురిసిన ముత్యాల దోసిలి నింపి

ఎగసిన మనసున ఉద్వేగంతో

పిలిచిన పిలుపున ప్రేమతో

తలచిన మదిలో తారకమై

నిలువగ వచ్చిన నిండైన రూపమై

ఆగమించిన వేకువను స్వాగతిస్తూ

🌸🌸సుప్రభాతం🌸🌸