కల్ల కపటం లేని బిడ్డలం...!' :- భారతి అప్పళాపురం. నెల్లూరు

సాహితీకవి కళా పీఠం 

సాహితీ కెరటాలు 

================

పిల్లలం కాదు పిడుగులం...

చలాకి బుడుగులం...

చిటారు కొమ్మన మిఠాయి పొట్లం 

చేతికందితే మా కిష్టం...

ఆటలు అంటే మా కిష్టం...

అల్లరి అంటే మరీ ఇష్టం..

మాచేతిలో మిఠాయి కన్నా,

అన్నల చేతుల్లో మిఠాయి మిన్నా...

అక్కల జుట్టు  లాగి ఏడిపించడం, 

మా కెంతో సరదా...

కొట్టుకున్నా తిట్టుకున్నా,

క్షణంలోనే కలిసిపోయే 

కల్ల కపటం లేని బిడ్డలం...

చిరునవ్వులు చిందిస్తాం...

అందరినీ అలరిస్తాం...

అమ్మ గోరు ముద్దులు కోసం

ఆకలి అంటూ అబద్ధాలు ఆడుతాం...

నాన్న భుజాలు ఎక్కడానికి

కాళ్ళు నొప్పులు అంటూ కుంటుతాం... 

నటనలో నటసార్వభౌమలం...