జయహో జయహో..! ఓ కూకట్లపల్లి...కవిరాజా జయహో..! :- పంచపది కవి రత్న-కవిశ్రేష్ఠ సాహితీ రత్న-బంతికట్ల నాగేశ్వర రెడ్డి -(బనారె)....బెంగుళూరు

(4000 కవితలు వ్రాసిన సందర్భంగా అభినందన మందార మాల)

================================================

ఓ కూకట్లపల్లి...కవివర్యా...

తెలుగు భాషా జ్యోతిని వెలిగించి... 

తెలుగు భాషా వికాసానికి కృషి చేసి... 

అక్షరాల నాలుగు వేల కవితల

ఆణిముత్యాలను మూటగట్టి... 

ఎన్నో కవి సమ్మేళనాల్లో పాల్గొని...

కమ్మని కవితా గానాలతో అలరించి...

 సాహితీమూర్తుల అమృతహస్తాలతో 

సన్మానాలు సత్కారాలెన్నో పొందిన

ఓ కవి రాజా...జయహో జయహో...  

.

ఓ కూకట్లపల్లి...కవివర్యా...

మీ ప్రతిభ వెన్నెల 

దీపమల్లె వెలిగిపోయే...

సహస్ర కవి భూషణ్ బిరుదు

మీకు అందమైన ఆభరణమాయె...

మీ పేరు పత్రికల్లో మారుమ్రోగిపోయే...

మీ కవిత్వం ఒక గంగాప్రవాహమాయే... 

ఓ కూకట్లపల్లి...కవివర్యా...

మీ కలం సృష్టించింది ఓ సంచలనం...

మీ కవితల్లో దొరుకుతుంది 

ప్రతి సమస్యకు ఓ పరిష్కారం... 

ప్రతి ప్రశ్నకు ఓ జవాబు 

మీరు కవితల్లో గోల్కొండ నవాబు... 

ఓ కూకట్లపల్లి...కవివర్యా...

మీరు మానవ సంబంధాలు...

సమకాలీన సామాజిక అంశాలే

ఇతివృత్తంగా నాలుగువేల కవితలు

లిఖించుట చిత్రం కవితలన్నీ ప్రత్రికల్లో

ప్రచురితం కావడం...భళారే విచిత్రం.

ఓ కూకట్లపల్లి...కవివర్యా...

ఓ నా ఆత్మీయ సాహితీ మిత్రమా...

వేల కవితల వ్రాసిన ఓనెల రాజా

నీవు నిత్య సన్మాన శోభితుడవై

నిండూనూరేళ్ళు వర్ధిల్లుమయ్యా....

జయహో జయహో..! 

ఓ కూకట్లపల్లి...కవిరాజా జయహో..!