కాయం (శరీరం):- వరలక్ష్మి యనమండ్ర

పల్లవి

దేవుడు ఇచ్చిన వరమే కాయం!

చక్కగ పెంచక పోతె అపాయం!

బుడిబుడి నడకల బుడతల ప్రాయం!

చుట్టుకు వచ్చెను స్థూలపు కాయం!

//దేవుడు ఇచ్చిన వరమే..//

 చరణం:-(1)

ముద్దుగ పెద్దలు భీముడు అంటే..

పెద్దయ్యాకా ఉంటే తంటే..

గుద్దులు గుద్దిన దెబ్బల పంటే..

ఆయాసమ్ములు ఎప్పుడు వెంటే..

//దేవుడు ఇచ్చిన వరమే..//

 చరణం:-(2)

కడుపున ఎప్పుడు ఆకలి బాధే!

కావలసినంత నోటికి రాదే!

వచ్చిన బరువే వెనుకకు పోదే!

స్థూలపు కాయము తరగని వ్యాధే!

//దేవుడు ఇచ్చిన వరమే..//

 చరణం:-(3)

కుట్టిన బట్టలు ఒంటికి పట్టవు!

తెచ్చిన చెప్పులు పాదము మెట్టవు!

పెరిగిన క్రొవ్వుల బానెడు పొట్టవు!

ఊబకు పెరిగిన కొండవు!గుట్టవు!

//దేవుడు ఇచ్చిన వరమే..//

 చరణం:-(4)

కండలు కరగగ ఎండకు పోరా!

దండిలు బస్కిలు దండిగ తీరా!

తిండిని మితముగ తిందువు లేరా!

భండన భీముని తమ్మునివేరా!

//దేవుడు ఇచ్చిన వరమే..//