వలస(Migrate):- అంకాల సోమయ్య -దేవరుప్పుల -జనగామ-9640748497

ముందు బ్రతుకుందో లేదో

గతమంతా కన్నీటి మయమే

కడుపు నింపుకోవడానికి 

వేల మైళ్ళ ప్రయాణం 

కాశీకి వెళ్ళిన కాకి

కాటికన్నట్టు

ఊరు మొకం చూస్తమోలేదో

బిగ్గరగా ఏడ్చే స్తున్న పిల్లాపాపలనిడిసి

గుండె రాయి చేసుకొని 

దుఃఖం ఉబికి వస్తున్న ఉగ్గబట్టుకొని

త్వరగా వస్తానమ్మా

నేనెక్కడికెళ్తున్నాను

గీ హైదరాబాదే 

మీరెప్పుడు రమ్మంటే 

నేనప్పుడూ వస్తాను 

అంటూ 

భారంగా అడుగులుముందుకేస్తూ

దేశం కానీ దేశం 

విదేశం

వెళ్లిపోతున్నాను

మా బ్రతుకున కమ్ముకున్న దుఃఖమేఘం దూరమై

ఆనందపు హర్షాతిరేకాలు 

 నిండాలని

కొండంత ఆశతో 

బ్రతుకు పోరుకై...