గిడుగు గొప్ప గొడుగు..!:- కవి రత్న -సాహిత్య ధీర -పోలయ్య కూకట్లపల్లి-అత్తాపూర్, హైదరాబాద్

గిడుగు అంటే ఎవరు..?

తెలుగు జాతి ప్రాణం – మన గిడుగు..!

తెలుగుకు వెలుగునిచ్చిన

అరుణోదయ సూర్యుడు – మన గిడుగు..!

గిడుగు అంటే ఎవరు..?

తెలుగు తెరమరుగు కాకుండా

గురజాడ సహచర్యంతో

అగ్నిజ్యోతి వెలిగించిన

కాంతి కాగడా – మన గిడుగు..!

గిడుగు అంటే ఎవరు..?

పరభాషా వ్యామోహంపై

పడిన పిడుగు – మన గిడుగు..!

తెలుగుపై ఆ పిడుగు పడకముందే

ఒక అఖంఢ జ్ఞాన శిఖరంలా

అడ్డపడిన గొప్ప గొడుగు – మన గిడుగు..!

అడుగు అడుగు 

మన గిడుగును అడుగు...

తెలుగంటే మీ ఎందుకింత పిచ్చని..?

పరభాషలెందుకు మీకు నచ్చవని..?

గిడుగు సమాధానం ఒక్కటే...

"తెలుగు నా ఊపిరి..!

"తెలుగు నా కన్నతల్లి..!

"ఆ తల్లిరుణం తీర్చుకోవడమే

"నా ఈ తపన... నా ఈ తపస్సు..!”