చిన్ని మల్లెపువ్వులో:- వరలక్ష్మి యనమండ్ర

పల్లవి

చిన్ని మల్లె పూవులో

పున్నమి జాబిల్లిలో

ఎటు చూసిన నీరూపే

కనిపించును  నా స్వామీ

 //చిన్ని//

చరణం 1

నీవు లేని చోటేమీ నేల మీద లేదులే

నీవుండని అణువేదీ నింగినసలు లేదులే//2//

ఎటు చూసినా నీరూపే 

ఓ సర్వాంతర్యామీ ...సర్వాంతర్యామీ...

// చిన్ని//

చరణం 2

మనసులోన నిను తలవని మనుషులసలు ఉంటారా

మరచియైన నిను వేడని మానవులుంటారా....

//మనసు//చిన్ని//

03

నీవు లేక నేను లేను నేను లేక నీవు లేవు

నీవు నేను ఒకటే యను నిజము తెలుసుకున్నాను

//నీవు//చిన్ని//

04

నీ మురళీ గానంతో నన్ను నేను మరిచేనురా

నా చెంతను నీవుంటే....... అదే కదా స్వర్గమంటాను

//నీ మురళీ//చిన్ని//