ఓ కనక దుర్గమ్మ తల్లీ : -కవి రత్న-సాహిత్య ధీర-సహస్రకవి భూషణ్-పోలయ్య కూకట్లపల్లి-అత్తాపూర్ – హైదరాబాద్

ఓ శివంకరీ..! శుభంకరీ..! భయంకరీ..!

ఓ కనకదుర్గమ్మ తల్లీ నీకు వందనం…!

భక్తుల చుట్టూ

గోడలైన కంచుకోటలా కాచే

రక్షణ కవచమై నిలిచే...

ఓ శివంకరీ..! శుభంకరీ..! భయంకరీ..!

ఓ కనక దుర్గమ్మ తల్లీ నీకు వందనం…!

కష్టాల కారు మేఘాలను కరిగించే...

ఆకస్మిక ఆపదల వడగళ్లను తిప్పికొట్టే

బాధల అగ్నిగుండాన శీతలగాలులయ్యే

విజయాల గగనంలో ఎగిరే రెక్కలనిచ్చే

ఓ శివంకరీ..! శుభంకరీ..! భయంకరీ..!

ఓ కనక దుర్గమ్మ తల్లీ నీకు వందనం..!

సంసార ఊబిలో మునిగిన వారిని

దయామయమైన మీ హస్తంతో పైకిలాగే

సమస్యల సర్పాల్ని శూలంతో సంహరించే

నిన్ను భక్తితో స్మరించిన హృదయాలకు

ఆత్మజ్ఞాన కాంతిని...

ఆయురారోగ్య నిధిని...

అష్టైశ్వర్యాలను...సిరిసంపదలను...

శాంతి సౌభాగ్యాలను...ప్రసాదించే....

ఓ శివంకరీ..! శుభంకరీ..! భయంకరీ..!

ఓ కనక దుర్గమ్మ తల్లీ నీకు వందనం..!

చర్మచక్షువులతో గానరాని...

పంచేంద్రియాలతో గాంచలేని

మాటల వర్ణణకు అందని...

ఆ పరమాత్మ దివ్య స్వరూపివైన

ఓ శివంకరీ..! శుభంకరీ..! భయంకరీ..!

ఓ కనక దుర్గమ్మ తల్లీ నీకు వందనం…!

ఆయుధాలను ధరించి...

ఆపదల వర్షంలో నీడై నిలిచే...

భీషణ పరాక్రమవతి...

విఘ్నాలకు అధినాయకురాలు

మాలోని చెడు తలంపులను

శత్రువుల శిరస్సును ఛేదించే...

ఓ శివంకరీ..! శుభంకరీ..! భయంకరీ..!

ఓ కనక దుర్గమ్మ తల్లీ నీకు వందనం..!