ఏడు కొండలవాడా..!: - కవి రత్న-సాహిత్య ధీర-సహస్ర కవి భూషణ్-పోలయ్య కూకట్లపల్లి-అత్తాపూర్ హైదరాబాద్

ఇదిగో మీ ఈ

భక్తకోటి బృందాన్ని

మీ ఏడు కొండలు

"ఎక్కించుమా"... స్వామి..!

ఓ ఏడుకొండల వాడా..!

ఓ వెంకటరమణా గోవిందా గోవిందా..!

కొండపైకి చేరి

మీ కోవెల చుట్టూ

ప్రదక్షిణలు చేసి

మిమ్మల్ని దర్శించి

భక్తితో పూజించి మీ పవిత్ర 

పాదారవిందాలకు మాచే...

"మొక్కించుమా"...తండ్రీ..!

ఓ ఏడుకొండల వాడా..!

ఓ వెంకటరమణా గోవిందా గోవిందా..!

మాపై కసిబట్టి

బుసలు కొట్టి

కాలసర్పములవోలే

కాటువేయ సిద్దంగా ఉన్న

మా బద్ధశత్రువులను

మీ పాదాల కింద

"తొక్కించుమా"...కరుణామయ..!

ఓ శ్రీహరి...

ఓ శ్రీనివాస...

ఓ శ్రీశైల వాసా..

ఓ కోనేటి రాయుడా...

ఓ భక్తజన బాంధవా...

ఓ ఏడుకొండల వాడా..!

ఓ వెంకటరమణా గోవిందా గోవిందా..!

మా గుండెగుడిలో

మహిమాన్వితమైన

దివ్యమైన మీ మంగళకర

శుభకర సుందర శిల్పాన్ని

"చెక్కించుమా"...మా కులదైవమా..!

ఓ అనాధ రక్షకా...

ఓ ఆపద్భాందవా...

ఓ ఏడుకొండల వాడా..!

ఓ వెంకటరమణా గోవిందా గోవిందా..!