1. ప్రణమిల్లుదున్ భవానీ
మనమును నీయందు నిల్పి మన్నననొందన్
ఘనమగు నీచరితనునే
వినిపించెదవినగ రమ్ము వేగన్ దుర్గా !
2.నవరాత్రులు నీవమ్మా
నవవిద భక్తిన్ కొలిచెద నామది నిల్పిన్
భవమున్ నివ్వగ రామ్మా
నవదుర్గలరూపమెత్తి నవనిధి దుర్గా !
3.ప్రథముగ నీరూపంబట
క్షితిభృత్తుకు పుత్రికయ్యి క్షేత్రమునందున్
సతతము నీనామము మా
మతియందుననిల్పుమమ్మ మా సతి దుర్గా!
4 రెండవ రూపము నీదిన్
మండలమగు భూమినందు మహిమాన్వితమున్
దండిగ మోక్షంబియ్యన్
చండీ నీజన్మ బహ్మచారివి దుర్గా !
5 మూడవ రూపము నీదట
చూడాలమునందు యుండు చుక్కల దొరయున్
నీడగ ప్రజలన్ బ్రోవన్
గాఢత కలిగుండు చంద్ర గంటా దుర్గా!
6 రూపము నాల్గవదంట స్వ
రూపము కూష్మాండమంట లోకము పోలిన్
పాపములను బాపుదువట
దీపము వెల్గందు కాల్చి దివ్వెల దుర్గా!
7 ఆకృతి నైదవదంటా
మా కృతి సమకూర్చ స్కందమాతగ యిలలో
ప్రాకృతప్రలయంబాపు శు
భాకృతి కలిగుండుతల్లి పావని దుర్గా!
8 మహిషాసురమర్ధినివట
మహిలో జన్మించ షష్టి మాతగ నీవున్
మహిమలు నతీతమగునవి
నహుషులమై యెర్గలేము నమ్ముము దుర్గా!
9 రాతిరి నధిదేవతగా
రాతలు సరిదిద్దు కాలరాతిరినీవై
మాతగ సప్తమి దినమున
యాతన బాపగ జనించు నమ్మవు దుర్గా!
10 తెల్లని కాంతుల వెల్గును
నల్లారుకు పంచ గౌరి నష్టమినాడున్
తల్లిగ జన్మొందగ తను
చల్లగ చూడంగవచ్చు ఛాయగ దుర్గా!
addComments
కామెంట్ను పోస్ట్ చేయండి