1.
ఎక్కడిదో ఈ తోట,
ఏమిటి ఈ మాట!
కళ్ళ ముందు జంట ,
స్నేహానికి పండిన పంట!
ఏకాదశ అవతారం, దుంపలజంటే అనుకుంటా!
ఒకరి ప్రాణం మరొకరిలో ,
ఉన్నట్టు ఉన్నారంట!
వారి కరచాలనం ,
స్నేహదేవత వింజామరం!
2.
మట్టి ఎంత గొప్పది?
మనసుంటే దానికే ఉన్నది!
మనకి అదే జన్మనిస్తుంది!
క్రమేపీ పెంచి పెద్ద చేస్తుంది!
చివరికి అక్కున చేరుస్తుంది!
పుట్టే సృష్టి చివరికి ,
ఈ మట్టిలోనే కలుస్తుంది!
3.
వస్తుతీపి నోటికే పరిమితం!
స్నేహం తీపి పరస్పరహితం!
మనం అహం దాటి శివోహం!
క్షణం క్షణం ఆనంద లోకం!
ఆనందమే బ్రహ్మం స్వరూపం!
4
ప్రేమికులందరూ,
లోకాన జీవించ గతించు!
ప్రేమ మాత్రం అమృతమై,
తరతరాలకు జీవించు!
మనుషులు వస్తూ ఉంటారు, పైకి పోతూ ఉంటారు!
కొందరు మరణించినా,
తీపిగుర్తులై మిగిలి ఉంటారు!
కొందర్ని జీవిస్తన్నా లోకులు,
వారు మరణించారంటారు !
5
సృష్టి చిత్రాతిచిత్రం!
విచిత్రాలు కడు సహజం!
అందొకటి నేడు మన,
సమూహ సజీవ చిత్రం!
ఏమా పరస్పర ఆత్రం,
పలుకే మౌనగాత్రం!
ఇదే జీవన అంతర్నేత్రం, బతుకు నడిపే సూత్రం!
_________
addComments
కామెంట్ను పోస్ట్ చేయండి