ధన్యత నొందు ఓ మనిషి !:- గుర్రాల లక్ష్మారెడ్డి కవి రచయిత-సెల్.9491387977 కల్వకుర్తి

మనిసి మనిసి ఓ మా మనిసి

కొలువు కావాలని నీవు తెలిసి

కలుసుకో బాసును నీవిక కలిసి

పోవద్దు ఈపొద్దు అలసి సొలసి !

నీవు రాముని గుడిని చేరుకో

ఆ శ్రీరాముని కొలువు కోరుకో

ఇస్తాడు నీకు ఇక ఆ కొలువు

అవుతాడు రాముడు నెలవు !

శ్రీరాముని దివ్య చరితను విను

నీఆత్మా రాముని భవితను కను

రామ రామ ఓ మా శ్రీరామ అను

సీతారాముడు నీ ఎదుట నిలిచేను 

మనిసి మనిసి ఓ మా మనిషి

పాప పుణ్యములు నీవిక తెలిసి

రాముని గుడిలో భక్తులను కలిసి

ఆశ్రీరాముని మదిలో నీవిక తలసి !

ఇస్తాడు శ్రీరాముడు నీకు పుణ్యం

చేస్తాడు నీ బ్రతుకును ఇక ధన్యం

నీవు ఎరుగకున్నా పుణ్యం అన్యం

నీవు కోరుకున్నదే ఆ అనుగుణ్యం

మనిసి మనిసి నీవేగా మా మనిసి

కృషితో నాస్తి దుర్భిక్షం అని తెలిసి

అవుతావు నీవు మా మహా ఋషి

కాదప్పుడు నీ బతుకిక  ఆశామషి

మనిషి మనిషి ఓ మా మనిషి

భక్తి విలువను నీవు ఇక తెలిసి

ఆ శ్రీరాముని మదిలోన కొలువు

ఓ రామ రామ అని ఇక తలువు

తలచిన వెంటనే ఇక వస్తాడు

వరములు నీకు తానందిస్తాడు

పరమ పావనమగు నీ జీవితం

పరమ సోపానంతో ప్రభావితం

రామ రామ అని నీవు అనుకో

ఆ రాముని చరితము అనుకో

రామా రామా ఓ శ్రీ రామా అను

శ్రీరాముని నీ ఎదుటనే ఇక కను

ఓ రామాలయమును కట్టించు

శ్రీ రాముని బొమ్మను పెట్టించు 

చూసేవారికి ఇక కన్నుల పండుగ

కలిగిస్తావులే నీవు వారికి మెండుగ