పాలమూరు పిల్లలం:- గుర్రాల లక్ష్మారెడ్డి కవి రచయిత-సెల్.9491387977 కల్వకుర్తి నాగర్ కర్నూల్ జిల్లా తెలంగాణ.

పాలమూరు పిల్లలం

పాలు గారు మల్లెలం

ఇల్లు ఇల్లు తిరుగుతాం

పాలు పెరుగు అమ్ముతాం !

పాలమూరు మండలం

మేం బంగారు కొండలం

కారు డిక్కీలో ధూరుతాం

మేం పిల్లలమర్రికి చేరుతాం 

పాలమూరు జిల్లా పిల్లలం

తేనెలూరు అల్లా మల్లెలం

కల్లలు ఎరుగని వారలం

ఎల్లలు తెలిసిన పొరలం !

పాలమూరు మా ఊరు

ఉంటుందిలే జోరుదారు

అందులోగల  మెట్టుగడ్డ

మాకు జన్మనిచ్చిన గడ్డ !

మా పాలమూరు పల్లె మనసులం

మేం తేనెలూరు మల్లె సొగసులం

మనసు మనసు తెలుసుకుంటం

మేం కలసి మెలసి మసులుకుంటం

పాలమూరు ఖిల్లా పిల్లలం

తేనెలూరు గల్లా మల్లెలం

కౌలు పొలం చేసే వారలం

మేలు ఫలం తీసే పోరలం !