బతుకు బాటలు:- డా.టి.రాధాకృష్ణమాచార్యులు -9849305871

నాయిన ప్రేమ

కోపంగా నీవంక చూడకుంటే

తప్పొప్పుల పట్టిక పరీక్షలో తప్పేవాడివి 

బడిలో పాఠాలు

సంచి పుస్తకాల గింజల మొలకలు

గురువుల జ్ఞానసుధ పురివిప్పిన 

ఊపిరి భావిభవతకు బంగారు వాకిలి 

వంటింటి ఇంట్లో రుచికర వంట పొలాల ఆకుపచ్చ ఆకాశానిదే 

శ్రమపడ్డ ఆమె చేతులు నడిచిన 

దూరం జీవితమంతా

ఉడికే బువ్వ వేడిగా నోటి నాలుకను తడిమిన రుచి 

కమ్మగా నింపే బోజ్జను పూటపూటకు 

సూర్యున్ని ఆహ్వానించే అపరశక్తి అమ్మ

తన మెలుకువలోనే ఇల్లు నడిచేది

గడిచేది 

ఆదివారం లేదు అలసటలేదు 

క్షణం తీరికలేని చదువుశాల ఆమె 

తొలి బోధనలు సరిచేసే నన్ను 

రేకులు తొడిగే సాహిత్యం నాలో

రెక్కలు విప్పిన కిటికి రేపటి ఆశలకోసం 

మూలాలే రోజూ ఓడ్చిన చెమటతైలం 

ఊరట అది బాధల ఓదార్పు అల్లిన

బతుకున 

మనసుమేధ ఎత్తిన జండా కవిత్వం!.