గిజిగాని గూడు చూడు:- -బాలబంధు గద్వాల సోమన్న, గణితోపాధ్యాయుడుసెల్:9966414580

ఎంత చక్కగా ఉందో!

గిజిగాడు అల్లిన గూడు

సాంకేతిక నైపుణ్యమే

అందులో ఉన్నది చూడు

అద్భుతమే నిర్మాణము

నిపుణతకు సోపానము

పనితీరు అసమానము

ప్రతిభకు లేదు కొలమానము

ఈ పక్షి చూడ చిన్నదే!

పనితనం బహు గొప్పదే!

గిజిగానికది వరమేనా!

కొనియాడ తరమేనా!

నిటారు కొమ్మున గూడు

బిర బిర గాలివీస్తే

లోలకంలా వ్రేలాడు

కనువిందుగా కదలాడు

జ్ఞానమున్నది గిజిగాడు

అల్లికలో మొనగాడు

చురుకుదనానికి ప్రతీక

భగవంతుడిచ్చిన కానుక

గిజిగాడుపై పద్యాలు

గుఱ్ఱం జాషువా వ్రాసెను

దానికి ఘనత పెంచెను

వెలుగులోనికి తెచ్చెను