చిరునవ్వు వెలుగులు :- కవి రత్న-సాహిత్య ధీర-సహస్ర కవి భూషణ్-పోలయ్య కూకట్లపల్లి-అత్తాపూర్ హైదరాబాద్.

ఓ నా ప్రియ మిత్రులారా..!

ఈ శుభకర శుభోదయవేళలో

నా హృదయాంతరాలలో

విరిసిన ఈ సుందర సందేశాల

సుమమాల మీకే అంకితం..!

మిత్రులారా...!

నవ్వండి..!నవ్వండి..!

నవ్వుతూ జీవించండి..!

ఎందుకంటే..?

నవ్వు అంటే నవజీవనం...అది

గుండెలో పూసే మల్లెపూల పరిమళం..!

మీ మనసులో

నవ్వుల తోటలు పెంచండి..!

నలుగురి హృదయాలలో

ఆ పరిమళాలను పంచండి..!

ఎందుకంటే..?

చిరునవ్వు ఒక వెలుగు కిరణం...

అది చీకటినీ కరిగించే సూర్యరేఖ..!

చిరునవ్వు ముఖానికి ఓ ఆభరణం...

అది మదిని మురిపించే మందారం..

లేత పెదవులపై పూసే చిరుదరహాసం...

దుఃఖాలను దూరం చేసే మంత్రదండం..!

చిరునవ్వుతో చేసే నమస్కారం

సంస్కారానికి ఓ గొప్పచిరునామా..!

కావాలి చిరునవ్వే మన జీవన గీతం..!

అందుకే ఓ మిత్రులారా..!

నవ్వండి...నవ్వండి...నవ్వండి..!

నవ్వితే పోయేదేముంది చెప్పండి..?

చింతల మబ్బులు చెదరడం తప్ప...

ఆయుష్షుదీపం నిత్యం వెలగడం తప్ప..!