ఇదీ జూబ్లీ‌ డైమండ్ సంగతి!:- - యామిజాల జగదీశ్

 ఇక్కడి ఫోటోను జూమ్ చేస్తే మహిళ 
మెడలో ధరించిన భారీ వజ్రాన్ని మీరు చూడవచ్చు. 
ఇది 254 క్యారెట్ల జూబ్లీ వజ్రం. ఇది ప్రపంచ ప్రఖ్యాత "కోహినూర్" వజ్రం కంటే రెండు రెట్లు పరిమాణం, బరువు ఉన్న వజ్రం.
ఈ మహిళ మెహెర్‌బాయి టాటా. ఆమె జంషెడ్‌జీ టాటా పెద్ద కుమారుడు సర్ దోరాబ్జీ టాటా భార్య.
1924లో ప్రపంచం ఆర్థిక మాంద్యంలోకి కూరుకుపోయినప్పుడు టాటా కంపెనీ (డిస్కో) తన ఉద్యోగులకు చెల్లించడానికి డబ్బు లేనప్పుడు, మెహెర్‌బాయి ఈ అమూల్యమైన జూబ్లీ వజ్రాన్ని ఇంపీరియల్ బ్యాంకుకు రూ. 1 కోటికి తనఖా పెట్టింది. ఉద్యోగులు తమ జీతాలను పొందడానికి, సంస్థ మనుగడ కొనసాగడానికి ఆమె ఈ విధంగా చేశారు. 
మెహెర్‌బాయి టాటా లుకేమియాతో బాధపడుతూ సరైన చికిత్స లేకుండ మరణించారు. తన అకాల మరణం తరువాత, సర్ దోరాబ్జీ టాటా ఈ వజ్రాన్ని విక్రయించి, భారతదేశంలోని క్యాన్సర్ రోగులకు మెరుగైన చికిత్స అందించడానికి టాటా మెమోరియల్ క్యాన్సర్ రీసెర్చ్ ట్రస్ట్‌ను స్థాపించారు.
ప్రేమ కోసం, ప్రజల సంక్షేమం కోసం ఏర్పాటైన ఈ ట్రస్ట్ మానవాళికి ఇచ్చిన గొప్ప బహుమతి. 
ఈ క్రమంలో వైరుధ్యాన్ని గమనించాలి.
తాజ్ మహల్‌ను ప్రేమ స్మారక చిహ్నంగా మనం కీర్తిస్తుంటాము. కానీ మనలో చాలా మందికి మన ప్రజలకు ప్రాణం పోసిన చరిత్ర వెనుక ఉన్న ప్రాథమిక సందేశం కూడా గుర్తుంచుకోం. చెప్పుకోరు కదూ?!