రండి బాలల్లారా: - కారుణ్యకుమార్ మళ్ల, -అమ్మవారి పుట్టుగ, శ్రీకాకుళం -జిల్లా -ఫోన్: 8328437637

ద్వితీయ బహుమతి విజేత

===================

//పల్లవి//

రండి బాలల్లారా ఎగిరే చిలకల్లారా

రేపటి భవితకు రూపును ఇచ్చే

తెల్లని మనస్సు తేనె పలుకుల్లారా...

భావి భవితకు పునాది వేద్దాం

//రండి బాలల్లారా//

 చరణం- 1 

అవని మన్ననలు పొందుతూ

ఓ మొక్కను నాటుదాం

స్వచ్ఛత పరిశుభ్రతే ప్రథమ ధ్యేయంగా ఓ సంకల్పం చేద్దాం 

//రండి బాలల్లారా//

చరణం -2 

అమ్మ మాటగా మాతృ భాషను

కమ్మగా పలుకుదాం

ఐకమత్యమే బలంగా 

మరో అంకురార్పణ గావిద్దాం                                   

//రండి బాలల్లారా//

చరణం- 3 

ఆప్యాయత అనురాగాల వాడిన వనంలో

ప్రేమ విత్తనాలు నాటి చిరునవ్వులతో

నైతిక విలువల పాఠాన్ని పాడుతూ

చేయి చేయి కలుపుదాం             

//రండి బాలల్లారా//