పాలపిట్టలం :- రవికుమార్ సింగంపల్లి, చెన్నై-ఫోన్: 88256 51377

ఉత్తమ విజేత 

===========

పల్లవి//

రంగు రంగుల చిలకలం 

అలకల కొలుకులం

ఇప్పుడే మొలిచిన మొలకలం 

మేం వచ్చామంటే కలకలం 

మేం ఆడిందే ఆట, మేం పాడిందే పాట

పండగే ప్రతిపూట వసంతమే ప్రతిచోట

చరణం -1

ఊయలెక్కి తాకేస్తాం ఆకాశం అంచుని

ఊహలతో నింపేస్తాం హృదయాల లోతుని

ఆశలతో పట్టేస్తాం మరోప్రపంచపు బాటని

విపంచినై వినిపిస్తాం అనురాగపు పాటని

Ilరంగు రంగుల చిలకలం ll

చరణం - 2

ఏటిగట్టు మీద పాలపిట్టలా

స్వేచ్ఛగా జీవిస్తాం  స్వఛ్చంగ బతికేస్తాం

గొంతు మురళిగ మార్చి తీయగా పాడేస్తాం

కొమ్మరెమ్మల తోటి దోబూచులాడేస్తాం

పూలదారుల్లోన పొలం గట్టు పైన                                   

పరుగులే తీసేస్తాం

Ilరంగు రంగుల చిలకలం ll

చరణం- 3

నీలాకాశమె మాకు ముద్దు

వాలే పొద్దు మా ఆటలకు హద్దు 

ఈ సంతోషం దేవుడిచ్చిన వరమా 

అదే మాకు సగం బలమా

రేపు కోసం దాచుకోమూ

పక్కవానిని దోచుకోమూ

కమ్యూనిజం మానైజమా

సామ్యవాదం మావైనమా

Ilరంగు రంగుల చిలకలం ll