1
ఎంతైనా బరువు ఈ బతుకు!
ఏదైనా ఇది వరమే మనకు!
బతుకన్నది మోయుట కొరకు!
మోయాలి మరి చివరి వరకు!
మోయలేనని ఎన్నడూ అనకు!
2.
తల్లి రక్తం క్షీరంగా,
మార్చి ఇస్తుంది!
స్వేదం జీవంగా ,
మార్చి నడుస్తుంది!
తనయుల కోసం ,
ధరణిలా సహిస్తుంది !
ప్రాణం పణంగా ,
పెట్టి అడుగేస్తుంది !
కన్నవాళ్ళని ,
కంటికి రెప్పలా కాస్తుంది!
3.
పిల్లలే ఆమెకున్న లోకం !
వారి దరికి చేరనీదు శోకం!
ఏ పని కాదు ఆమెకు భారం!
ఆమె బతికేదే మరి వారికోసం!
ఆ పేగు బంధం,
కొనసాగు జీవితాంతం!
4.
పిల్లలు పెరిగి ,
పక్షులై ఎగిరిపోతారు!
పక్షిలా ఎగరలేని ,
తల్లి మిగిలిపోతుంది !
నూనె లేని ,
దీపంలా కొడిగడుతుంది,
వసంతం వెళ్లిపోయిన,
వనమై వెలవెల పోతుంది !
ఓనాటికి తెలియని,
లోకానికి చేరిపోతుంది!
5
ప్రతిఫలాపేక్ష లేనిది ,
అమ్మ కర్మ!
ఇల కనిపెం(పిం)చే,
సృష్టికర్త అమ్మ!
మానవజాతికి ,
ప్రాణం పోసేది అమ్మ!
మనం తీర్చలేని ఋణం,,
మాతృఋణమేనమ్మా!
అమ్మ నివాసం ,
దిగి వస్తుంది స్వర్గం!
6.
హమ్ అనేక్ , మా ఏక్!
అమ్మ పెద్దయినా లక్!
యోగక్షేమకరం ఆ దృక్!
దుఃఖ ఉపశమనం ఆ వాక్!
మా మహాన్ సదా ఈమాన్!
_________
addComments
కామెంట్ను పోస్ట్ చేయండి