అమృత గానం! ఆనంద సోపానం!:- డా పివిఎల్ సుబ్బారావు,,-9441058797..

నా పంచపదుల సంఖ్య---

1566--1568.

1566.

అతడి గళం,

 నవరసాల పాకశాల !

అతడి గీతం ,

తరతరాల పాఠశాల! 

హృదయం ,

గాన సరస్వతి నర్తనశాల! 

పసిడి పాటల,

 నాణాలకు ట్రంకసాల!

 దైవలీల, ఉన్నది ,

ఒక్కడే ఘంటసాల,పివిఎల్!

1567.

ఎత్తుకుంటే పల్లవి ,

గీతానికి శ్రీకారం! 

చరణం సాగితే ,

పాటకి ప్రాణం ప్రాకారం! 

ఆ నోట విరహమే,

 మధురాతి మధురం! 

గీత శ్లోకాలు,

 ఇల జనాల అమరం! 

ఈధర గాన ,యశోఆధారం ,

ఆ ఆధరం, పివిఎల్!

1568.

పాడుతుంటే హృద్యం ,

పద్యం వీనుల వింజామరం! 

మరి పఠిస్తే దైవస్తోత్రం, దైవసాక్షాత్కారం! 

నీలి మేఘం గాలి కెరటంలా, గాన విహారం! 

జాలువారే గానం ,

సరస్వతి పాద మంజీరం! 

నేలపై ఆ గానతేజం ,

సామవేద సాకారం, పివిఎల్!

_________