మా విశ్వ విజయశాంతి:- గుర్రాల లక్ష్మారెడ్డి కవి రచయిత-సెల్.9491387977 కల్వకుర్తి నాగర్ కర్నూల్ జిల్లా తెలంగాణ

శాంతి శాంతి ఓం శాంతి

క్రాంతి క్రాంతి మా విక్రాంతి

మా విశ్వజనుల సంక్రాంతి

గైకొన్నావా నీవిక విశ్రాంతి !

శాంతి శాంతి మా ప్రజల ప్రశాంతి

పల్లెల ముల్లెల మా సజల స్రవంతి

మా జనజీవన వాదన శ్రీ వేదాంతి

చిన్నబోయే నీవు లేక విశ్వభవంతి!

ఎక్కడికి వెళ్లావు ఓ మా చల్లని తల్లి

కనబడకుండా ఉన్నావు నీవు మళ్ళి

మొదలాయెనుగా ఇక్కడ అక్కడ లొల్లి

పాకి పోయెనుగా అవి ఇక గల్లి గల్లి 

ఇక్కడ అక్కడ అనకుండా 

ఎవరేమి చెప్పినా వినకుండా

ఇల సృష్టిస్తున్నారులే గొడవలు

రాజకీయ అరాచక బడవలు !

ఆ గొడవల కుంపట్లో ఇక అజ్యం

 పోస్తూ చేస్తున్నారు వారు రాజ్యం

కుప్పకూలిపోయను ఇక వాణిజ్యం

కష్టనష్టాల్లో చిక్కుకొనే సామ్రాజ్యం!

అఘాయిత్యాలు ఎన్నో విజృంభించే

అరాచకాల అంగడిని అవి ప్రారంభించే

ఇక న్యాయం ధర్మం ఇల అంతరించే

అన్యాయం ఆకాశమంత ఎదిగి అఘోరించే!

ఈ అఘాయిత్యాల అనచివేయ రావమ్మా

ఆ అరాచకాలను రూపుమాపాలిక నీవమ్మా

అమ్మా తల్లి ఓమా విశ్వ విజయశాంతి

నెలకొల్పాలిక ఇలలోన నీవే శాంతి ప్రశాంతి !