దివ్య మంగళ హారతి:- గుర్రాల లక్ష్మారెడ్డి కవి రచయిత-సెల్.9491387977±కల్వకుర్తి

హారతి అందుకో భారతి మా ఈ

మంగళ హారతి అందుకో బ్రహ్మసతి

దివ్యమైన ఈ హారతి భవ్యమైన మా హారతి

సదా వెలుగు హారతి ఈ మంగళ హారతి !

మంగళహారతి అందుకో ముందుగా

సూర్యుడు మెచ్చుకొని విందుగా 

ఈ హారతి అందుకో మా భారతి

మంగళ హారతి అందుకో సురసతి!

సుప్రభాత మందు మేము మా స్నానమాచరించి

మా నుదుట సింధూర తిలకాన్ని ధరించి

పసుపు కుంకుమలతో ముఖప్రక్షాళనగావించి

మా మనసులో నిన్ను మా మనసారా ధ్యానించి!

అందించే ఈ హారతి అందుకో మా భారతి

నలుదిక్కుల వెలుగునిచ్చు మంగళప్రదమైన హారతి

నీ సన్నిధి చేరుకొని నీ వరమునే కోరుకొని

ధ్యానించి పూజించి అందించే ఈ మంగళ హారతి

మేము అందించే ఈ హారతి అందుకో భారతి

దివ్యమైన ఈ హారతి కులదైవమైన మా భారతి

ఈ మంగళ హారతి మా మంగళ ప్రద హారతి

అందుకొని మమ్ముల దీవించు భారతి !