ఎవరి మీద నా కోపం?: - కవిమిత్ర, సాహిత్యరత్న-ఆచార్య అయ్యలసోమయాజుల ప్రసాద్- (పుష్యమి)-విశాఖపట్నం.-9963265762

 నీకేమి తెలియదు తాతయ్య
అన్న మనుమల మీదనా
మీ రోజులు వేరు ఇప్పటి రోజులు వేరు 
అన్న కడుపున పుట్టిన పిల్లల మీదనా
మాష్టారు మీ మీద మాకు గౌరవమే గాని
దీపముండగానే ఇల్లు చెక్కబెట్టుకోవాలన్న
నా దగ్గర చదువుకున్న
ప్రజాప్రతినిధి మీదనా
నైతిక విలువలు చెబుతు
ఆధ్యాత్మిక చింతన మీద
ప్రవచనాలు చేస్తు
అనైతిక కార్యక్రమాలకు పాల్పడుతున్న
స్వామిజీలు, ప్రవచన కారుల మీదనా
చెప్పిందే చెప్పి చూపించిందే చూపిస్తు
రేటింగ్ కోసమంటున్న
ప్రసార మాధ్యమాల మీదనా
చివరికి ఏభై ఏళ్ళయి నాతో కాపురం చేస్తున్న
నా సహధర్మచారిణి
మీరురుకోండి
మీకేమి తెలియదు ఇంకెన్నాళ్ళుంటాము అంటే
నే చతికిలబడి చూస్తున్నా
లోకం తీరును మార్చలేనని
నాకెవరిమీద కోపం లేదని చెబుతున్నా...!!
......................