అక్షరమెరుపులు:- గుండ్లపల్లి రాజేంద్రప్రసాద్, భాగ్యనగరం

మదిలో మోగిన మౌనాన్ని     

మెరుపుల్లా చిలికే అక్షరాలు –

చీకటి ఆలోచనల గగనాన్ని

వెలుగుల వర్షంతో తడిపేమంత్రాలు.

కలల కాంతులు కవితలై జారితే,

కలముని ముంచి వెలిగే భావనలే

అక్షర మెరుపులై మెదులుతూ

మనసు నేలపై పండే ఆశలపంటలు.

ప్రతి పంక్తిలో ఓ పులకింత,

ప్రతి పదంలో ఓ ప్రాణం,

నిశ్శబ్దాన్ని నాదంగా మార్చే

నవజీవన నాదమే అక్షరప్రకాశాలు.

కవిగారి కలల కిరణాలు

లోకానికి వెలుగు పంచితే –

చీకటిని చీల్చే చిరునవ్వులై

పదాలు పూయించేను అక్షరపువ్వులు.

అక్షర మెరుపులు పడే చోట

హృదయాలే పుణ్యక్షేత్రాలు,

కవితలే కాంతి దీపాలు,

ప్రపంచమే ఆయ్యేను భావాలమందిరము.