అమ్మఒడే బడి.:- డా.సి.వసుంధర,చెన్నై

సంసార లక్ష్యం సంతానం. 

సౌఖ్యాలు ఎన్ని ఉన్నా, చిన్ని పాపలు లేని ఇంట్లో ఆనందం సున్నా.

సవిత్రి (అమ్మ) కాలేని 

స్త్రీకి,సంతోషాలుశూన్యం

సంతానం కలిగినంత మాత్రాన  సంతోషాలు సాగరంలా ఉప్పొంగవు 

అందుకే  నేర్పించండి పిల్లలకు నీతికి, అవినీతికి ఉన్నతేడా. 

సూక్తులు,అవి సమస్యలకు పరిష్కారం చూపే దిక్సూచులు. 

విద్య అనే పదంతో 

ప్రారంభించి విద్యావిహీనః పశు:

అని ముగించాడు తనశ్లోకాన్ని భర్తృహరి. 

విద్యకత్తి.దానికిరెండు పక్కల పదునే.

లౌకిక విద్య, పారమార్ధక విద్యలవి. ఆ రెండూ ఉంటేనే పూర్ణత్వం

అదే భర్తృహరి మాటలో పరమార్థం.

అక్షరవిద్య అన్నం పెడితే, అంతస్తులు మీ సొంతం చేస్తే,

 పారమార్థిక విద్య మానవత్వాన్ని మేల్కొల్పుతుంది.

 

కుక్షి నింపుకోవడానికి నేర్పండి, అక్షర విద్య. కానీ

వారు కష్టంలో 

కాలు నిలదొక్కుకొనే 

 శక్తిని ప్రసాదించే దేవుని  క్రీగంటి చూపులే

సూక్తులు,సందేశాలు, 

శతకాలు.కావ్యాలు.వాటిని  నేర్పితే ఆ అక్షర బిక్షే వారికి రక్ష.

మాతృభాష

సూక్తిసుధ పిల్లలకు  నేర్పండి సెల్లులలో.

 

అమ్మ భాష, నేర్పే బడి, "అమ్మ ఒడి"జ్ఞప్తికి తెచ్చుకోండి శివాజీనీ.

ప్రభుత్వాలు, బడులు తర్వాత

అలా చేస్తే

భర్తృహరి, వేమన, సుమతి లాంటివారు

నమస్కరిస్తారు  తెలుగు తల్లులకు, తమశ్రమ వృధాకానందుకు

సంతోషిస్తారు.