సుప్రభాత కవిత : - బృంద

ప్రభాత  సుందర ప్రాభవము 

ప్రకాశభరిత ప్రచోదనము 

ప్రదీప్తిమయ  ప్రపంచము 

ప్రత్యూష సుమ సుందర విలాసము

పసిడి వెలుగుల తడిసిన 

పర్వత సానువులు 

పలకరించు  పవనాలతో 

పులకరించు ప్రసూనాలు

వేకువ వెలుగులు తెచ్చే 

వెలుతురు పువ్వులతో

వెల్లివిరిసి మురిపించె

వెన్నెలంటి చల్లని కాంతులు

కొండల మధ్య ఉదయించి

మబ్బులదారి పయనించి 

పుడమికి పుత్తడి పూతలు 

పుష్కలంగా  పూయించు కాంతులు

మమతలు కురిపించు

మధురమైన ఉదయానికి 

మనసునిండి మంజులముగా

మది పలికెను స్వాగతగీతి!

పరిమళించు మంచితనాన

పరులు తామే యని తలచి

పంచి పెట్టు ప్రేమ నేర్పు

ప్రకృతి పాఠానికి ప్రణమిల్లుతూ

🌸🌸సుప్రభాతం🌸🌸