పిల్లలతో తలనీలాల‌ సమర్పణ: - - యామిజాల జగదీశ్

 కృష్ణుడి ద్వారా వచ్చిన సంప్రదాయం...నేటికీ, ఇక్కడ పిల్లలకు మాత్రమే తలనీలాలు సమర్పణ అనేది కొనసాగుతోంది. 
5000 సంవత్సరాల క్రితం కృష్ణ పరమాత్మ ఒక ఆలయంలో కేశ సమర్పణ చేశాడంటే నమ్ముతారా? అవును! ఆ చరిత్ర గుజరాత్ రాష్ట్రంలోని ప్రసిద్ధ అంబాజీ అంబే మా అమ్మన్ ఆలయంతో ముడిపడి ఉంది.
కృష్ణుడు మూడు సంవత్సరాల వయస్సులో గోకులంలో పెరిగిన రోజులవి. నందగోపాలుడు, యశోద  కృష్ణుడితో కలిసి ఈ అంబాజీ ఆలయాన్ని సందర్శించారు. వారు శక్తి సమక్షంలో కృష్ణుడితో కేశ సమర్పణ చేయించారు.
ఈ పురాతన సంఘటన కొనసాగింపుగా, ఈ ఆలయంలో ఈ నాటికీ ఒక ప్రత్యేకమైన ఆచారం పాటిస్తున్నారు. అబ్బాయిలకు మాత్రమే ఇక్కడ కేశ సమర్పణ చేయిస్తారు. ఇక్కడ బాలికలు లేదా పెద్దలకు ఈ కేశ సమర్పణ చేయకపోవడం గమనార్హం!
తమ పిల్లలు కృష్ణుడిలా జ్ఞానవంతులుగా, ఐశ్వర్యవంతులుగా ఎదగాలని కోరుకునే వేలాది మంది తల్లిదండ్రులు ఇప్పటికీ తమ మగ పిల్లల కేశ సమర్పణకు ఇక్కడికి తీసుకువస్తారు. ముఖ్యంగా, పిల్లల పుట్టినరోజు తర్వాతి రోజు ఈ ఆచారాన్ని నిర్వహించడం గొప్ప శుభకార్యంగా పరిగణిస్తారు.
​
ఈ ఆలయంలోని ఇతర ముఖ్యాంశాలు :
​విగ్రహరహిత పూజ : ఇక్కడ దేవత విగ్రహం లేదు; 'శ్రీ యంత్రం' మాత్రమే దేవతగా అలంకరించి  పూజించడం జరుగుతోంది.
​బంగారు జ్యోతి : 103 అడుగుల పొడవు, 3000 కిలోల బంగారు పూతతో కూడిన పాలరాయి జ్యోతి ప్రత్యేక ఆకర్షణ.
​రామాయణ సంబంధం : రావణుడిని ఓడించడానికి రాముడికి 'అజయ్' అస్త్రాన్ని ఇచ్చింది ఇదే దేవత!
​5000 సంవత్సరాలుగా మారని ఈ అందమైన సంప్రదాయాన్ని, కృష్ణుడు అడుగు పెట్టిన ఈ క్షేత్రాన్ని జీవితంలో కనీసం ఒక్కసారైనా సందర్శించి తరిద్దాం. 
గుజరాత్ లోని బనస్కాంత జిల్లా పరిధిలో అంబాజీ ఉంది. ఇది
రాజస్థాన్ సరిహద్దులో అబు రోడ్ రైల్వే స్టేషన్ నుండి 20 కిలోమీటర్ల దూరంలో ఉంది.
నిజానికి ఈ అంబాజీ ఆలయం కృష్ణుడి ఆలయం కాదు. అంబ దేవి (శక్తి రూపం) ఆలయం. ఇది ఒక ప్రధాన శక్తి పీఠం. ఇక్కడి అమ్మవారిని అరసురి అంబా అని అంటారు. మన
దేశంలోని 51 శక్తి పీఠాలలో ఇది ఒకటి. సతీ హృదయం ఇక్కడ పడినట్లు ఆస్తికుల నమ్మకం.