తల్లి అనురాగం : వెంకట్ , మొలక ప్రతినిధి

ఏడు కుక్క పిల్లలూ…

చల్లని నేలపై వణుకుతూ తల్లి వైపు పరుగెత్తగా,

ఆమె ఒంటి వేడి వారికో గుడారమై,

పాల కోసం ఎగబడ్డ ప్రతి చిన్న నోరు —

ప్రేమకు కొత్త అర్థం చెప్పింది.

అమ్మ కళ్లలో అలసట ఉన్నా,

మమత మాత్రం అలసరాదు.

తన శరీరాన్నే ఆహారమై చేసి,

ఏడు హృదయాలకు జీవం పోసే దైవం —

తల్లి కన్నా గొప్ప నేలపై ఎవరు?

ఆ దృశ్యం చూడగానే తెలుస్తుంది —

ప్రేమ అనేది మాటల్లో కాదు…

చిన్న చిన్న ప్రాణాల ఆకలిని తీరుస్తున్న

ఆ తల్లి హృదయంలోనే 

మమత పేగు బంధం కనబడుతుంది