"వికసించిన బాల్యం":- వెంకట రాజేశ్వర రావు k, విజయవాడ -ఫోన్: 9296453659

ఉత్తమ విజేత 

=========

చిన్నారి నవ్వుల్లోనే జగమే చిగురిస్తుంది

పసితనపు పూల వాసనలో ఆశల వాన కురుస్తుంది

చిట్టి అడుగుల్లోనే భవిష్యత్తు దారి వేసుకుంటుంది

చిన్న మెట్ల దూకుడులోనే సాహసం పెరుగుతుంది

పాఠశాల గంటలోనే జ్ఞానదీపం వెలుగుతుంది

గురువుల మాటల్లోనే మార్గదర్శనం వుంటుంది

సంచిలోని పుస్తకాల్లో కొత్త లోకాలు దాగుంటాయి

ఆటలలో ఆనందపు ముత్యాలు జారిపోతాయి

పరుగుల్లో పసి ఊపిరి రెక్కలు తొడుగుతుంది    

కథల్లో కొత్త ఆశలు మొలుస్తాయి.         

రంగులలో చిన్నారి ప్రపంచం పూస్తుంది

పాటల్లో పసిబిడ్డల హృదయం తూలుతుంది

చిలిపి నవ్వుల్లో ప్రేమకు కొత్త రూపం వస్తుంది

పాఠాల్లో జ్ఞానానికి బలం పెరుగుతుంది

స్నేహంలో చిన్నారి మనసు విశ్వం అవుతుంది

సహచర్యంలో చిన్న మనసులు పెద్దగా మారతాయి

మంచి ఆలోచనలు పసితనపు పూవుల్లా వికసిస్తాయి

ధైర్యం చిన్నారి హృదయంలో చిరునవ్వై నిలుస్తుంది

దేశం కోసం కలలు వారిలో మేల్కొంటాయి

భవిష్యత్తు నిర్మాణంలో పిల్లలే శిల్పులు అవుతారు

బాలల దినోత్సవానికి వారే ప్రపంచానికి వెలుగుల బహుమతులు!"