జీవకోటి ప్రపంచం !:- గుర్రాల లక్ష్మారెడ్డి కవి రచయిత-సెల్.9491387977 కల్వకుర్తి నాగర్ కర్నూల్ జిల్లా తెలంగాణ.

ప్రపంచం ఈ ప్రపంచం

విశాలమైనది ప్రపంచం

సమస్త జీవరాసులకును

నిలయం ఓ దేవాలయం!

ప్రపంచం  ప్రపంచం

నడుస్తున్న ప్రపంచం

ఆరా తీస్తే తీరా చూస్తే

నేరమయం ప్రపంచం !

నేరమయమైన ఈ ప్రపంచాన్ని

దర్శించి హర్షించలేక జీవులన్ని

బిక్కు బిక్కుమంటూ జీవిస్తున్నవి

నక్కి నక్కి అవన్ని నివసిస్తున్నవి !

అందంగా ఆనందంగా

జీవిస్తున్న ఈ జీవులకు

ఈ నేర ప్రపంచమందు

వాటికి లేదు ఏ పొందు !

జరుగుతున్న దోపిడీల

పెరుగుతున్న రాపిడీల

యందు చిక్కే జీవులు

తప్పెను వాటి తావులు !

వాటి ఆశ పాశం విడిపోయే

కోటి ఆశల సౌధం పడిపోయే

లేదిక వాటికిక దిక్కు దివానం

వేదిక ఎక్కి చేసినవి ప్రమాణం !

వాటిని రక్షించేటి సంరక్షించేటి

శాంతి ప్రశాంతమైన ప్రపంచం

వాటికోసం ఆవిష్కరించబడాలి

సమస్యలు పరిష్కరించ బడాలి !