మా అన్నయ్య: - గుర్రాల లక్ష్మారెడ్డి కవి రచయిత-సెల్.9491387977. కల్వకుర్తి నాగర్ కర్నూల్ జిల్లా తెలంగాణ

అన్నయ్య అన్నయ్య

మా మంచి అన్నయ్య

నీ మనసే వెన్నయ్య

మా ఇంటి కన్నయ్య !

అన్నయ్య అన్నయ్య

మరువము నిన్నయ్య

వ్రేలుపట్టి నడిపించావు

ముద్దపెట్టి తినిపించావు !

అన్నయ్య అన్నయ్య

నీ పేరేగా రామయ్య

మా మల్లెపువ్వయ్యా

మము అల్లుకోవయ్యా !

అన్నయ్య అన్నయ్య

మామొర వినవయ్యా

తప్పులే చేయమయ్యా

మమ్ము మన్నించవయ్య !

అన్నయ్య ఓ అన్నయ్య

మము శిక్షించ వద్దయ్యా

 చెప్పినట్టు వింటమయ్య

నీ రక్షణలో ఉంటమయ్య !

అన్నయ్య ఓ అన్నయ్య

మే వినకుంటే తన్నయ్య

ఆ శిక్షే మాకు ముద్దయ్య

మము విడిచి పోవద్దయ్య !

అన్నయ్య ఓ అన్నయ్య

ఈ ఇల్లే ఇక నీదేనయ్య

రాజీపడి నువు రావయ్య

ఇంటికి వెలుగు తేవయ్య. !

అన్నయ్య ఓ అన్నయ్య 

మహారాజువు నీవయ్య

నీ మాటే శాసనమయ్య

నీకిక ఓటమి లేదయ్యా !