క్రాంతి! సంక్రాంతి: - గుర్రాల లక్ష్మారెడ్డి కవి రచయిత -సెల్.9492387977 కల్వకుర్తి నాగర్ కర్నూల్ జిల్లా తెలంగాణ

సంక్రాంతి ఈ సంక్రాంతి

మా సరి క్రొత్త సంక్రాంతి

కులాసాగాను వచ్చింది

విలాసాలను ఇచ్చింది. !

సంక్రాంతి మా సంక్రాంతి

సరదాల మా సంక్రాంతి

భోగి మంటల సంక్రాంతి

తీపి వంటల సంక్రాంతి !

సంక్రాంతి ఈ మా సంక్రాంతి

మా సంక్రమణ సంసంక్రాంతి

చెడును దహించు సంక్రాంతి

మంచిని పెంచు ఈసంక్రాంతి!

క్రాంతి సమన్విత సంక్రాంతి

సంక్రమణ సమైక్య సంక్రాంతి

రంగుల హంగుల సంక్రాంతి

పాల పొంగుల మా సంక్రాంతి !

ముద్దుల ముగ్గుల మా సంక్రాంతి

హరిదాసు హరి కీర్తనల సంక్రాంతి

గాలిపటాల జోరుఉన్న సంక్రాంతి

మగువల ముగ్గుల మా సంక్రాంతి

సంక్రాంతి మా ఈ సంక్రాంతి

డూడూ బసవన్నల సంక్రాంతి

డుం డుం భాజాల సంక్రాంతి

ఆటపాటల మూటల సంక్రాంతి !

సంక్రాంతి మా ఈ సంక్రాంతి

ఆనంద హేళల వేళ సంక్రాంతి

సంక్రమణ సంలీల సంక్రాంతి

సరికొత్త సరాగాల  సంక్రాంతి !;