ఓ సర్వాంతర్యామి : -అంకాల సోమయ్య -దేవరుప్పుల-జనగామ-9640748497

ఓసర్వాంతర్యామి

ఓ సర్వోపగతుడా!

ఓ నారసింహా

పాహి పాహి పాహి మాం 

రక్ష రక్ష రక్ష మాం 

అబలలపై అకృత్యాలు పెచ్చరిల్లాయి

దుర్మార్గుల అరాచకాలు మితిమీరాయి

ప్రజాపాలనం రాజ్యభోజ్యమౌతుందన్న దుగ్ధ తండ్రి 

/ఓ సర్వాంతర్యామి/

పంచభూతాల నిండా విషమే 

పాపమెరుగనోళ్ళకు బాధలేలా?!

కసాయి కుట్రదారులదే పైచేయి సాధిస్తున్నారు తండ్రి 

/ఓ సర్వాంతర్యామి/

పేదలకు ఆర్థిక వనరవుతుందనుకున్న విద్య 

నేడు అంగడిసరుకైపోయే

చచ్చి చెడి చదివిన నిరుద్యోగం బహుమానమై తీరని శోకము  తండ్రీ

/ఓ సర్వాంతర్యామి/

ఏ మృగాడి అకృత్యానికి బలైపోయిన తల్లి 

బిడ్డలో నేడు అనాథలై దిక్కుతోచని స్థితిలో ఉన్నారయ్యా

కొడుకులను కన్నతల్లిదండ్రులు  

ఆ కొడుకులే ఉన్నదంతా లాక్కొని కన్నోళ్ళను వృద్ధాశ్రమంలో తోస్తున్నారు తండ్రీ

పైపై మెరుగులకు భ్రమసే‌ వాళ్ళకు జ్ఞానోదయం కలిగించుతండ్రీ

కులమత వర్ణవర్గ వైషమ్యాలు దూరం చేయి తండ్రి 

ఈ కలియుగాన్ని అంతమొందించి 

ఎటువంటి ఫలాపేక్షలేని

నాది నాదే నీది నాదే మనది నాదే అనే కుటిల నీతి దూరమై

ఒకనాటి కృతయుగం మళ్ళీ రావాలి తండ్రి 

ధర్మో రక్షతి రక్షితః 

ఓ కరుణాంతరంగ

ఓ కమలనేత్ర

ఓ దయోదరా

పాహి పాహి పాహి మాం 

రక్ష రక్ష రక్ష మాం 

/ఓ సర్వాంతర్యామి/