నిజదర్పణం :- అంకాల సోమయ్య -దేవరుప్పుల -జనగామ -9640748497

నేటి జ్ఞాన సమాజానికి 

కరుకైన మాటలతో సమాధానం చెప్పొద్దు

వాస్తవిక జీవన చిత్రణ 

కళ్ళకు చూపాలి

దోపిడి కోరులను తరిమితరిమి కొట్టొద్దు

దోచిన ధనాన్ని వెంటతీసుకెళ్ళలేవని హితబోధ చేస్తూ...

ఆ అత్యాశపరున్ని 

శవయాత్రలో వల్లకాడువరకు తీసుకెళ్ళాలి

కొడుకులున్నారు నాకేం కొదవలేదనుకునే 

అహంభావులైన తల్లిదండ్రులను

వృద్ధాశ్రమానికి తీసుకొని వెళ్ళాలి 

చదువు కున్న నిరుద్యోగులను తీసుకెళ్ళండి 

మొలలోతు బురదలో వ్యవసాయం చేసే రైతు పంటపొలాల్లోకి..

శ్రమ సౌందర్యాన్ని ఆస్వాదిస్తాడు

తప్పుడు మనిషి దగ్గర పనిచేయడం కన్నాఉన్న

 భూమిని సేద్యం చేసుకొని బ్రతికితే చాలు అని అవగతం చేసుకుంటారు