కవి సమ్మేళనాలు :- అంకాల సోమయ్య -దేవరుప్పుల -జనగామ -9640748497

కవి సమ్మేళనాలు 

కాలక్షేపం కోసమా!

కవి సమ్మేళనాలు 

సామాజిక వికాసంకోసమా!?

పుస్తకావిష్కరణ సభల కోసమై

ముందస్తుసభికుల ఏర్పాట్లకోసమా!?

సమకాలీనత కొరవడ్డ

అంశాలతో కూడిన కవిసమ్మేళనాలు

సభాసదుల ముఖస్తుతి కొరకై

ఏర్పాటు చేసిన

 కవి సమ్మేళనాలు

ఉబుసుపోని మాటముచ్చట్లేకదా!?

ప్రపంచమే కుగ్రామమైన 

ఈ తరుణంలో 

సామాజిక సమస్యలకు కొదవేముంది?!

ఆయా ప్రాంతీయ భాషల్లో  జరిగుతున్న అన్యాయాలు అరాచకాలు వ్రాసే సాహసం చేసే

కవులు కవయిత్రులు చేతులు ముడుచుకొని కూర్చోవడం అంటే 

కష్టజీవి కుడి ఎడమన కవులు లేనట్లే కదా!

కవులు, కవయిత్రులు ప్రజాపక్షం వహించే ప్రజాప్రతినిధులు కదా!?

ఆత్మాశ్రయత్వపు కవిత్వం కడుపు నింపేదా?!

ఆకలి పేగుల ఆర్తనాదాలు 

అభివృద్ధికి నోచుకోని పల్లెల దైన్యం 

బడికి దూరమైన బాలల బాలకార్మికత్వం

బాల్యవివాహాలు 

మహిళపై జరుగుతున్న అత్యాచారాలు

కులమత 

వర్ణ వర్గ పోరాటాలు

మానవ హక్కుల ఉల్లంఘనలు 

చట్టం ఇంటి చుట్టంగా మార్చుకున్న స్వార్థరాజకీయలు

అటవిసంపద కొల్లగొట్టడాలు

వన్యప్రాణుల అభయారణ్యాలను తెగనకడం 

విలువైన కలప అరుదైన జాతులను నాశనం చేయడం 

సైబర్ క్రైమ్స్ 

స్మార్ట్ ఫోన్ తో మాయమౌతున్న బంధాలు అనుబంధాలు 

సోషల్ మీడియా సామాజిక చైతన్యహేతువా!?

సామాజిక హీనత్వమా!?

సహేతుక విశ్లేషణలు

గ్రామ ,మండల,జిల్లా 

రాష్ట్ర, దేశ సచివాలయాల తీరుతెన్నులు 

ఇవి కదా!?

కవులు ఏకరువు పెట్టవలసింది.

వదరుబోతు మాటలు కాదు 

ఉద్వేగాలు రెచ్చగొట్టడం కాదు 

ఇవి కవి సమ్మేళనాల్లో

తూచా తప్పకుండా కవితావస్తువులుగా

స్వీకరించవలసింది.

కవులు సంఘసంస్కర్తలై

ఆర్థిక అసమానతలు లేని 

సమసమాజం స్థాపనకై 

కలం ఝళిపించిన నాడు

కవి సమ్మేళనాలు 

లోక కళ్యాణానికి దోహదమౌతాయి

అంతే తప్పా

కాలక్షేపం కావొద్దు 

విజ్ఞుల సమ్మేళనాలు