అమ్మ ఉంటే స్వర్గము: - -గద్వాల సోమన్న, గణితోపాధ్యాయుడుసెల్:9966414580

అమ్మ మాట తీయనిది

వెన్నెల్లా చల్లనిది

శ్రద్ధగా ఆలకిస్తే

జీవితాన్ని దిద్దునది

తల్లి మనసు తెల్లనిది

మల్లె వోలె మెత్తనిది

ఎల్లరికీ  విదితమే

పల్లెసీమ లాంటిది

అమ్మే మణిహారము

మమకారపు దుర్గము

సదనంలో దీపము

ప్రేమకు ప్రతిరూపము

అమ్మ లేని ఇంటిలో

ఆనందం శూన్యము

ఆమె ప్రేమ తోటలో

వ్యాపించు పరిమళము

అమ్మ ఉన్న స్వర్గము

మమతలకామె మార్గము

చూడు చూడు తల్లిని

గుండెలోని త్యాగము