అపరిమిత స్వేచ్ఛ అనర్థం: - కవిమిత్ర,,సాహిత్య రత్న ఆచార్య అయ్యల సోమయాజుల ప్రసాద్...(పుష్యమి...)-విశాఖపట్నం

యుక్తాయుక్త విచక్షణ కలిగిన మనుజుని

బాల్యంలో  తల్లిదండ్రుల ఆప్యాయత అనురాగాలను

ముద్దు మురిపాలను ఆస్వాదించి ఆనందించాలి

అదే అదనుగా స్వేచ్ఛ స్వాతంత్ర్యతతో

అనైతిక ప్రవర్తన కలిగి

పెడదారిన వెళితే  జీవితమే వినాశనమగును.

స్వేచ్ఛను సద్వినియోగం చేసుకు

అభివృద్ధికి సోపానంగా మలచుకున్న 

మనుజుని భవిష్యత్ బంగారు మయమే.

స్వేచ్ఛ లభించిందని కుటుంబ సభ్యులను వంచనకు గురిచేసి

అనృత పలుకులతో జీవించిన

చివరకు భవిష్యత్ అంధకారమే.

కావున ' అతిసర్వత్ర వర్జయేత్ 'గా స్వేచ్ఛను

ప్రణాళికా బద్ధంగా ఉపయోగించిన 

మనుజుని జీవితం సాఫల్యమే.....!!

...........................