యువతకు ప్రేరణ - స్వామి వివేకానంద: - కవిమిత్ర, సాహిత్యరత్న-\ఆచార్య అయ్యలసోమయాజుల ప్రసాద్- (పుష్యమి)-విశాఖపట్నం.

ఆత్మవిశ్వాసం దృఢ సంకల్పం ఉక్కునరాలు కలిగిన యువతే

దేశ ఉజ్వల భవిష్యత్ కు సోపానాలని

సనాతన ధర్మమే వసుదైకానికే ఆదర్శమని

పిరికితనం మనిషిని నిర్వీర్యం చేస్తుంది

ఆత్మవిశ్వాసం మనిషిని విజయంవైపు నడిపిస్తుందని

గెలవక పోవటం కాదు అసలయిన ఓటమి

తిరిగి ప్రయత్నం చేయక పోవటమేనని

కెరటం నాకాదర్శం లేచి పడుతున్నందుకు కాదు

పడినా తిరిగి లేస్తున్నందుకని

ఓర్పు అనేది ఎంతచేదుగా ఉంటుందో

దాని వల్ల లభించే ప్రతిఫలం అంత తియ్యగా ఉంటుందని 

పిరికివాడు మాత్రమే ఇది నా తలరాత అనుకుంటాడని

భగవద్గీత జీవితసారమని

ప్రపంచానికే ప్రామాణికమని

నా జీవితానికి ఆదర్శమని

సద్గురువు రామకృష్ణ పరమహంస  గారి ప్రధాన శిష్యునిగా

చికాగోలోని సర్వమత మహాసభలో సోదర సోదరీమణులారా అని సంభోధించి

హిందూమత  ఔన్నత్యాన్ని చాటి

దేశ  దశాదిశా మార్చిన స్వామి వివేకానంద జయంతి

యువజన దినోత్సవం సందర్భంగా

ఓ యువతా, భావి భారత పౌరులారా

మనసా వాచా కర్మణా స్వామి అడుగుజాడల్లో నడుస్తామని

దేశ సంస్కృతి సంప్రదాయాలను పాటించి

వసుదైకానికే భారతావని ఆదర్శమని ప్రతిన పూనుదాం.. !

వందే మాతరం

భారతమాత కి జై !!

(జనవరి 12 స్వామి  వివేకానంద జయంతి యువజన దినోత్సవం సందర్భంగా వ్రాసినది)

..............................