ఎన్నాళ్లీ....!? :- కోరాడ నరసింహా రావు!

బాహ్య ముఖం ప్రపంచాన్ని  చూస్తే... 

అంతర్ముఖం పరమాత్మను చూస్తుంది...! 

 

 పరమాత్మను చూడట మంటే.... 

   నిన్ను నువ్వు... నీ మూలాలను చూసు కోవ టమే...!! 

అంతర్ముఖుల మవ్వట మంటే...

 ఆత్మపరిశీలన చేసుకోవట మేనోయ్...! 

నేను నేను అనుకుంటున్న ఈ నేను ఎవరు...!? 

  అది తెలుసుకుంటే.... 

  నిన్ను నువ్వు తెలుసుకున్నట్టే...! 

   ఈ ప్రపంచాన్ని తెలుసు కున్నట్టే...!! 

   నిన్ను, ఈ ప్రపంచాన్ని  తెలుసుకుంటే... 

   ఆ పరమాత్మను , పరమాత్మ తత్వాన్ని తెలుసు కున్నట్టే నోయ్ ! 

అప్పుడిక నీవు... 

 ద్వంద్వాతీతుడవు... 

   త్రుగుణ రహితుడవు... 

 ఏ క్లేషములు  లేని ఆనంద స్వరూపుడవు ! 

  

అదే నోయ్ నీ నిజ స్వరూ పం...!! 

ఇంకా... ఎన్నాళ్లీ పై పై పరుగులు...?! 

   అవి భ్రమ, ప్రమాదాలకు మూలమైన మృగతృష్ణ లోయ్...! 

 

లే.... ఇంక ఈ బయటి పరుగులు ఆపి... 

  అంతర్ముఖుడవుకా...! 

  ఆత్మ జ్ఞా ని వై... 

  జీవన్మరణ బంధ విముక్తు డవై.... 

 అమరత్వాన్ని పొందు...! 

       ******