ఔ ను... ఇదే సత్యము..! :- కోరాడ నరసింహా రావు

జీవన ప్రాయానం లో.... 

 వత్సరమొక మైలు రాయి! 

 

పుట్టినది మొదలు... 

  ఏ టి కే డు  గడుస్తుంటే, 

 మనిషి మనుగడలో ... ఎదుగుదల , అభివృద్ధి .. ! 

వారసత్వాలతో ... కాలం సుదీర్ఘమే  ఐనా... 

మనిషి మనుగడ కాలం పరిమితమే...! 

ఇందులో... 

అభిరుచులు, ఆశయాలు

 ఆరాటాలు , పోరాటాలు

  గెలుపోటముల , ఫలితాలు.... 

   అన్నీ కలిపి... ఒక మనిషి జీవిత కాలం లో... 

 చెప్పుకోదగ్గ కాలం... 

 కేవలం  ఓ పది, పదిహేనేళ్లేగా...! 

ఈ మాత్రానికే... 

   యిన్నిన్ని ఆరాటాలు... 

  అలజడులు , అశా0తి ! 

  జీవన మాధుర్యం మాయం...!! 

ఈ యే డైనా బాగుంటుం దేమో....! 

  ఏ టి కే డూ... ఇవే ఎదురు చూపులు...!! 

ఫలితాలు... ఎప్పుడూ అ సంతృప్తే ...! 

ఆనందం ఎక్కడ వుంటుంది...!? 

ఈ ఎదురు చూపులు లేని చోటే...! 

వీడని గతపు జ్ఞాపకాలు

  భవిష్యత్ అపరిమిత ఊ  హలు... 

  వీటి నుండి బయట పడ లేని వారికి... 

   ఎన్ని వత్సరాలు మారినా ఒకటే...! 

   ప్రతి నూత్న సంవత్సర మూ ఒక భ్రా0తే... భ్రమే!! 

" చితి  మన ప్రాణ0 పోయినాకే కాల్చుతుంది , గాని ఈ చింత ఉన్నదే... 

  మనిషిని బ్రతికి ఉన్నంత కాలం... కాల్చుతునే ఉంటుంది " 

  పెద్దలు ఎంత అనుభవం తో చెప్పారో కదా...! 

ఆనంద జీవి ఎవరు అంటె

 కేవలం  వాస్తవంలో బ్రతుకు తున్న వాడే...!! 

నిన్నటి అనుభవం... 

  రేపటికి పునాది కావాలి

 ప్రతిబంధకము కారాదు కదా...!! 

  

కేవలము రేపటి గురించి ఆలోచిస్తూ కూచునే వారు 

  ఈ రోజు దగ్గరే ఆగిపోతారు కదూ...! 

ఈ రోజు చెయ్యాల్సింది సక్రమముగా చేసుకునే వారే... అందమైన ఆనంద మైన రేపటి రోజును చూడ గలరు... ఇది సత్యము...! 

ఔను... ఇదే సత్యము..!! 

      ******