చెప్పుకోండి చూద్దాం: - సహస్ర కవి గుర్రాల లక్ష్మారెడ్డి.-‌. కవి రచయిత.-కల్వకుర్తి నాగర్ కర్నూల్ జిల్లా తెలంగాణ.

 1.). గుండ్రంగా ఉంటాను
      చేతి దెబ్బలు తింటాను
      కూర నారతో నా దోస్తీ
      మీ చేతికి రాగానే చస్తి !
2). నే గాలిని భోంచేస్తుంటా
     మా బాగా గెంతుతు ఉంటా
     దుమ్ము ధూళితో నా స్నేహం
     ఎప్పుడు అడగను నే దాహం !
3). నాకున్నవి నాలుగు కాళ్లు
     నా దేహం నిండా కళ్ళు
     ఆ కాళ్లకు నలుచుట రాదు
      ఈ కళ్ళకు మరి చూపే లేదు !
4). చంద్రునిలా నా ముఖము
     తిరుగుటకు నే సుముఖము
     నాకున్నవిలే రెక్కలు మూడు
     మీటను నొక్కి నువ్వు చూడు !
5). ఎండకు వానకు మీ వెంట ఉంటా
    నే లేకుంటే మీకు కలుగును తంటా
అసలు ఆ ఎండ వానాలు ఇక లేకుంటే
నే హాయిగా ఓ మూలన కూకుంటా ,!
6). నా తల పైనేమో టోపి
      చేతుల మాత్రం లాఠీ
      నా నోటితో వేస్తా సీటి
      నేనెవరో చెప్పు స్వీటీ !
===========================

చెప్పుకోండి చూద్దాం జవాబులు
-------------------------------------------
1). రొట్టె. 2). బంతి.  3). నవార మంచం. 4). ఫ్యాన్.  5). గొడుగు.
6). పోలీస్.