సంక్రాంతి : కోలా సత్యనారాయణ -విశాఖపట్నం

పల్లవి

రండి! రారండి!! సంక్రాంతి సంబరాలు... 

చూతము రండి సందడిగా!

చరణం 1

పిల్లల తలపై భోగి పళ్ళు పోసి, 

భోగినాడు చలిమంటలు కాగేము! 

బూరెలు, గారెలు, అరిసెలతో... 

బంధువులతో భోంచేస్తాము! 

 కొత్త అల్లుళ్లు, కూతుళ్లు వస్తే... 

కోరినవన్నీ ప్రేమగ తినిపిస్తాము! 

చరణం  2

తప్పిటగుళ్ళు, కోలాటాలు, 

పులి వేషాలు, భజనల సందడి, 

హరిదాసు పాటలు, కోడిపందాలు చూపించి ,

అల్లుళ్ల అలకలు తీర్చుతాము!

చరణం 3

కనుమ నాడు గోమాతకు పూజ,

బసవన్నకు మైమరిపించే ముస్తాబు, 

ఆడపిల్లలచే గౌరీ వ్రతాలు, 

బొమ్మల కొలువులు బాగుగ చేస్తాము! 

చుట్టాలను సాగనంపి, కాసేపు సేద దీరుతాము!!