హరితోక్తులు(హితోక్తులు) : - అంకాల సోమయ్య -దేవరుప్పుల -జనగామ -9640748497

ఉదయం లేవగానే 

ఎవరి ముఖం చూస్తావు?

నాకు జన్మనిచ్చిన మా అమ్మ ముఖమే చూస్తాను

ఊరుఊరంతా ఉమ్మడి కుటుంబాలు 

మా పల్లెటూర్లన్ని

వసుధైక కుటుంబాలు 

అమ్మ ఎంతో ఎడ్డిది 

నేను ప్రయోజకుడినయ్యాక

అమ్మ నీకేం కావాలో కోరుకొమ్మంటే

నువ్వు చల్లంగుండడమే కావాలంటది.

ఇప్పుడు నేను తండ్రినయ్యాక తెలిసింది

నా ఈ కడుపును కన్నది

 ఆ అమ్మే కదా!

ఈచ్ వన్ ప్లాంట్ వన్

ట్రీ అని మొదలుపెడితే

భూతలమంతా హరితవనమవదా!

కాలుష్య నివారణకిదే

తరుణోపాయం కదా!

అతి గారాబం పిల్లలను

ఎందుకుకొరగానివాడిని

చేస్తుంది.

నీరెక్కువైతే మొక్కలు చస్తాయికదా!

అరవై లోకూడా ఇరవైలో వలె నవ్వుదాం 

ఆవేదనలో ఉన్నప్పుడు 

పసిపిల్లలన్న ప్లే స్కూల్ కెళ్ళొద్ధాం

ఆరోగ్యమేమహాభాగ్యం 

అందుకు

హరితవనాలే 

శ్రీరామరక్ష

తులసివనంలో గంజాయి 

మొక్కకాకు

నీ వ్యక్తిత్వవికాసంతో

శ్రీగంధమై పరిమళించు

పెరటి తోట పెట్టని కోట

ఔషధాల గని

ఆహారమే దివ్యౌషధంకదా

ఆరోగ్యసిరికి

చెట్టును నువ్వేంత క్రూరంగా ఖండించిన

తాను పంచేది మాత్రం 

 నీకు ప్రాణవాయువునే

పరోపకారార్ధం ఇదం శరీరం