మేము ధనవంతులం -మేమెవరికి వంతలంకాదు: - అంకాల సోమయ్య -దేవరుప్పుల -జనగామ -9640748497

(అధిక్షేపధోరణిలో వ్రాసిన కవిత) 

=========================

నైతిక విలువల లేమున్నా 

ధనమే అన్ని విలువలను ఆపాదించి పెడుతుందీకలికాలం

అందుకే ఇప్పుడు 

సీట్లను చూసి పీటలు ముఖాలను చూసి బొట్లు పెడుతున్నారు 

ఉచ్ఛనీచము మాకు అక్కర్లేదు 

 కొండమీది కోతినైన కొనేంత ధనం మాకుందనే పొగరుబోతుతనం

ఈర్ష్య అసూయలు మాకు పంచప్రాణాలు 

మాకన్నా వేరెవరైనా ముందున్నట్టనిపిస్తే..

కుట్ర కుతంత్రంతో పడదోస్తాం

మాదంతా ధ్వంసం రచనే

నిర్మాణకళలు మేము నేర్వము

మాకా అవసరం కూడా రాదు

కాలాన్ని కూడా కాసుతోనే శాసిస్తాము

సూర్య చంద్రాదుల గతులను సైతం మార్చేస్తాం 

మేము ధనవంతులం

మేము ఎవరికి వంతలం కాదు

మాకెవడైనా వంతపాడవలసిందే

కాదు కూడదు అని మొండికేస్తే

పాడెక్కవలసిందే.

ధనం మూలం ఇదం జగత్ 

మేమెవరిమాట వినం 

ఒక్కొక్కసారి మామాటే మేమువినం

ధనవంతులం

మేము 

మేమెప్పటికి దరిద్రులం కానోళ్ళం

కాల పరీక్షలన్నీ సునాయాసంగా అధిగమించినవాళ్ళం

ముందున్నవన్నీ మేము మురిసే పండుగలే 

మాకు రాదు లేదు ముసల్ల పండుగ